什么职业最伤身？

1.建造业工人
　　近年「扎铁」行业因为人手不足，薪酬水涨船高。但做呢行要长时间喺曝晒、空气混浊、高噪音嘅户外工作，工业意外更时有发生，轻则搬嘢扭亲条腰，重则可以高空堕下致命。保障工友安全，雇主有责！
　　

　　2.厨师
　　唔讲唔知，原来饮食业工伤数字喺过去十年一直高企，冠绝本港所有行业。厨房空间细，厨师揸刀会切亲，揸镬铲会辣亲，地下湿又会跣亲。再加上工时长，唔够精神就更容易出意外。
　　

　　3.牙医及牙医助护
　　众所周知，牙医系厌恶性行业，成日要睇住病人嘅烂牙、血同口水，仲要长期处于充满病菌同污染物嘅环境，对心理同生理都系极大嘅挑战。
　　

　　4.医生及护士
　　公立医院医生、护士经常要值夜班，本身已经好辛苦，再加上近年人手流失严重，急症室及病房又不时爆满，个个都做到叫苦连天。早前有大肚护士返夜更脑中风，令人痛心，希望人手问题可以早日解决！
　　

　　5.Big 4会计师
　　入得Big4，头几年预咗每日工作十五、六个钟，peakseason要做到喺公司睇日出。长期唔够瞓，有啲人甚至压力大到甩头发，打字打到劳损要睇跌打。不过Big4嘅发展路径清晰，辛苦得嚟都有回报。
　　

　　6.Marketing / PR / Advertising Agency
　　同会计师一样，做得呢行嘅agency都系要预咗晚晚做到深宵，最惨嘅系你越做得嘢，脑细越俾多啲job你跟。不过做agency可以帮你练就一身好武功，做两年已经等于人哋in-house做几年嘅经验。
　　

　　7.空姐
　　空姐俾人嘅印象系可以自由自在周围飞，又可以化个靓妆识飞机师。但喺光鲜表面嘅背后，其实佢哋要捱返shift、日夜颠倒嘅生活，又要着住高踭鞋做粗重工作，派餐嘅重复动作会导致网球肘；搭飞机多辐射、紫外线，搞到眼干面干但系要逼住化妆、戴隐型眼镜，真系咪话唔辛苦。
　　

　　8.司机
　　司机每日由朝揸车揸到晚，久坐会导致腰痛、痔疮问题。巴士司机为咗赶班次，唔敢饮水去厕所；的士司机最怕遇上麻烦客、劏死牛；旅巴司机冇位泊车要喺条街不断兜圈，得返几分钟食饭、去厕所；货车司机又要做埋上落货，随时搬嘢搬到闪亲腰，有时货柜场连厕所都冇……妈啊，搵食真系好艰难！